لسه فاكر
كلمات: عبدالفتاح مصطفى
غناء: أم كلثوم
لسه فاكر قلبي يدي لك أمان
ولا فاكر كلمه ح تعيد اللي كان
والا نظره توصل الشوق بالحنان
لما تسألني أقولك كان زمان
كانت الأيام في قلبي دموع بتجري
وانت تحلالك دموعي وهي عمري
ياما هانت لك وكانت كل مره
تمحي كلمة من أماني فيك وصبري
كلمة لما راح الهوى ويا الجراح
واللي قاسيته في ليلي اتنسى ويا الصباح
والنهار ده الحب والشوق والحنان
لما تسألني أقولك كان زمان
ياما حليت لك آهات قلبي وهيّ
من قساوتك انت والأيام عليّ
كنت تسمعها نغم واسمع صداها
نار تدوب حبنا شوية شويه
الهوى اللي هان عليّ ابتديت تعرف غلاوته
النهار ده الحب سيره كان زمان
لما تسألني أقولك كان زمان
والليالي كنت بتسمي الليالي
لعبة الخيال وهي عمر غالي
كنت أبات أسأل عليك ظني ودموعي
وانت متهني بحيرتي وانشغالي
قل لي إيه هي الحكاية
بعد ما عرفنا النهاية
انت جيت مشتاق لحبي
ولا لدموعي وأسايا
النهار ده بعد ما فات الأوان
مهما تحلف لي أقولك كان زمان
![[b]لسه فاكر[/b] Member](https://2img.net/h/www.sheiabeen.com/vb/images/wsam/member.gif)
موضوع: [b]لسه فاكر[/b] ![[b]لسه فاكر[/b] Icon_minitime1](https://2img.net/i/fa/m/icon_minitime1.gif){kind=icon}
السبت مارس 22, 2008 12:08 pm