انا اسمى شوقى واعمل عجلاتى بالسويس ذهبت اليوم الى مامورية ضرائب السويس اول لتقديم الاقرار الضريبى عن سنة 2007 ركبت الميكروباس من حينا حى الاربعين العتيق ونزلت عند مامورية الضرائب وتحاملت على نفسى على الرغم من انى اعانى من امراض الدنيا ومن اشدها مرض التهاب الكبد الوبائى وتليف على الكبد واعا لج على نفقة الدولةمنذ عدة سنوات ويوم اعمل وعشرة لا
واعول اسرة مكونة من اولاد وبنات وزوجة واعيش رزقى يوم بيوم وكلة على الله بس انا سمعت عن قانون الضرائب الجديد وقالو لى ولاد الحلالا فى المنطقة والحى بتاعى ان الضرائب فى مثل حالتى اعفاء وهما هيشفو حالتى ويدونى اعفاء
وفعلا صدقت كلامهم لانى بخاف من الحكومة قووى وطول عمرى ماشى جنب الحائط وتوجهت الى المامورية وطلعت اول السلم بالمبنى وسئلت واحد من الناس انا عايز اعمل الاقرار الضريبى قال لى ’’ خش كدة على اليمين’’ دخلت زى ما قال لى ذلك الشخص
ووجدت ناس كتير وموظفين لابسين بدل وواحدة منقبة قاعدة على مكتب كبير قوى سئلت الناس اللى حوليا هى دى مين قالو لى دى المديرة بتاعة الاقرارات الضريبية والناس الثانية اللى لابسين بدل واخر شياكة هما الموظفين اللى فى لجنةالاقرارات الضريبية اللى عملاها المصلحةعلشان يساعدو الممول فى تقديم الاقرار الضريبى......
الى اللقاء فى الرسالة القادمة..................................................